Паллах, çак мультфильма ачасем вырăсла тахçанах курма пултарнă. Чăвашла мĕнле майлă куçарнине пĕлме 5-6 класра вĕренекенсем уроксем хыççăн çак мультфильма пăхрĕç. Ачасемшĕн питĕ интереслĕ пулчĕ. Вĕсем малашне те çакăн пек мультфильмсем чăвашла тухасса шанаççĕ, мĕншен тесен чăвашăн ачаранах чăваш пулса çитĕнмелле. Пĕчĕкскер куçпа курса, хăлхапа илтсе, алăпа тытса пăхать, пурнăçа ăнланса пырать — çапла ăна ачаранах чăваш пулма вĕрентмелле.